Kantauri Arabarra

Amurrion, euskaraz erostera gonbidatu dituzte herritarrak "eska ezazu euskaraz" kanpainarekin. Horretarako, publizitatea, planoa eta 'karraskatu' sariketa (txartelean dagoen saria bilatzeko argizaria karraskatu behar da, 'euskal tonbolan' bezala) egin dituzte. Azken horren bidez, euskaraz egindako erosketa bakoitzeko txartel bat oparitzen dute saltegiek.

Amurrioko gizarte eragileek argi dute: euskaraz barra-barra aritzeko aukerak sortu behar dira herrian, eskaintza erakargarria antolatu behar da eta gainera festa giroan egitea posible bada, ongi baino hobe. Hori horrela izanik, Euskaraz Bai Eguna antolatu zuten Amurrion, Udalaren babesarekin. Helburua, egun bat euskaraz pasatzeko aukera ematea. Bazkaltzen 100 lagun izan ziren, eta merke bazkaldu zuten (3 euroan), Udala egin baitzen gastuen kargu. Mus txapelketan 15 bikote aritu ziren, eta gaueko kantukadan 50 inguru.

"Euskararen eskutik, zeu ere arkeologoa" egitasmoa jarri dute abian, Laudion. 5 eta 12 urte bitarteko haurrak arkeologiaren mundura euskaraz hurbiltzeko aukera da hau. Parte hartzeko bonoak 2 euroan jarri dituzte salgai, Laudioko Arrañope tabernan.

Hego Amerikako inkek Ackon-Cahuac, 'harrizko zentinela' esaten zioten begien aurrean zuten mendi erraldoi eta sakratuari. Hortik kontinente horretako gailur garaiena izendatzeko ACONCAGUA izena...

Asteburu honetan Pirinioetako gure gailur garaienetara abiatuko dira "Oxigenoa Euskarari" programan dauden mendizale gazteak. Euskara izango dute elikagai nagusia aldats gora egiteko. Mendiak igotzeaz gain, bertako landaredia ikertuko dute eta haiekin argazki bilduma bat egin beharko dute. Eta lainorik ez badago, Pirinioetako gau gardenean, izar-konstelazio ezagunenak identifikatzeko ikastarotxo bat izango dute.