Gazteen aisia

Euskal futbol-kanpusa hasia da Lesakako Maiztegi futbol zelaian. Nafarroa osotik etorritako 50 gaztetxok Euskal Futbol-kanpusaren 7.edizioari hasiera eman diote, ekainaren 28an. Euskal futbol-kanpusak, Beti gazte elkarteak eta Lesakako udalak antolatuta, 8 eta 12 urte bitarteko gazteak ibili dira lehenengo txanda honetan. Helburua da futbolaren bidez euskararekin harremanak sendotzea.

Asteburu honetan Pirinioetako gure gailur garaienetara abiatuko dira "Oxigenoa Euskarari" programan dauden mendizale gazteak. Euskara izango dute elikagai nagusia aldats gora egiteko. Mendiak igotzeaz gain, bertako landaredia ikertuko dute eta haiekin argazki bilduma bat egin beharko dute. Eta lainorik ez badago, Pirinioetako gau gardenean, izar-konstelazio ezagunenak identifikatzeko ikastarotxo bat izango dute.

Euskararen erabilpena sustatzeko egitasmo honetan Donostialdeako gazte talde naturalen artean (koadrilak, ikastetxe edo institutuko taldeak, kirol taldea,...) euskararen erabilpena modu ludiko eta atsegin batez suspertzea lortu nahi da. Horretarako, parte hartzaileak onartzerakoan, jatorri berdineko talde orekatuak osatuko dira, beraien artean euskararen erabilpena sustatu eta urtean zehar mantentzeko. EZAUGARRIAK - Donostialdeako koadrila edo talde bereko (auzo edo ikastetxe) gazteen artean euskararen erabilpena sustatzeko udalekuak dira.

Hego Amerikako inkek Ackon-Cahuac, 'harrizko zentinela' esaten zioten begien aurrean zuten mendi erraldoi eta sakratuari. Hortik kontinente horretako gailur garaiena izendatzeko ACONCAGUA izena...

"Euskararen eskutik, zeu ere arkeologoa" egitasmoa jarri dute abian, Laudion. 5 eta 12 urte bitarteko haurrak arkeologiaren mundura euskaraz hurbiltzeko aukera da hau. Parte hartzeko bonoak 2 euroan jarri dituzte salgai, Laudioko Arrañope tabernan.

Bizarrain Kultur Elkarteak eta Herrerako Sporting Kirol Elkarteak Altzako Euskaraz Bai Futbol Festa antolatu dugu seigarren urtez jarraian. Kirol festaren helburua da haurrek euskara aisialdiarekin eta kirolarekin lotzea, kirol helburuak lantzeaz gain.

Altzan, 14-16 urte bitarteko gazteentzako ipuin laburren lehiaketa antolatu dute. Lehiaketaren helburua da bertako gazteen artean euskaraz idazteko zaletasuna bultzatzea.