Normalizazio planak

Herriko enpresetan euskararen erabilera bultzatzeko beste urrats bat eman du Adunako Udalak (Bai Euskarari Akordioarekin abiatu zuten lanaren ondorioz, herriko sei enpresak Bai Euskarari Ziurtagiria dute). 21 enpresek euskararekin zer-nola jokatzen duten aztertu dute. Galtzaundi euskara taldeak egin du landa lana eta Udalerri Euskaldunen Mankomunitatearen aholkularitza izan dute.

Buruntzaldean “Ezetz asmatu 5 gezur borobilak!” lehiaketa jarri dute abian, Lan munduan euskara sustatzeko egitasmoaren barruan. 'Ezetz Asmatu bost gezur borobilak' joko interaktiboa da eta herri bakoitzeko asmatzaileen artean denbora-pasa joko bat zozkatuko da. Buruntzaldea sei udalek osatzen dute: Andoain, Astigarraga, Hernani, Lasarte-Oria, Urnieta eta Usurbil.

Gernikan abian dugu Kontseiluak proposatutako lansari-orriak euskalduntzeko ekintza. Dagoeneko hainbat dira Gernikan lansari-orria euskaraz eskaintzen duten aholkularitzak, eta eskuorri honen bidez, horiek ezagutarazi nahi dizkiegu gernikarrei.